Паметно ЛЕД Осветлување

Паметно ЛЕД Осветлување

Центар за развој на Полошки плански регион  реализираше проект за подобрување на јавното осветлување „Паметно ЛЕД Осветлување“.
Центар за развој на Полошки плански регион активно работи на подобрување и унапредување
на инфраструктурата во Општините: Врапчиште, Теарце и Јегуновце преку спроведување на
проектот за Паметно ЛЕД Осветлување.
Главна цел на проектот: Ефективно осветлување за енергетско ефикасен регион
Што е опфатено со проектот?
Замена на старите и поставување на нови енергетско ефикасни светилки и тоа:
Општина Нови светилки
Теарце 889
Врапчиште 323
Јегуновце 200
Вкупно 1412

Проектни резултати: Со овој проект се создаваат подобри услови за јавното осветлување,
намалување на емисија на CO2, Заштеда на електрична енергија и трошоци за одржување,
зголемување на оперативната ефикасност за управување со осветлувањето, ефикасност во
планирање на идни заштеди на енергија
Извори на финансирање: Проектот е финансиран од Швајцарската амбасада во соработка со
МЛС преку програмата за одржлив и инклузивен рамномерен регионален развој Фаза – II.
Имплементацијата на проектот "Паметно Лед Осветлување" овозможи поставување на
иновативни светилки кои се енергетски ефикасни и поврзани со интелигентни платформи за
управување. Овие светилки имаат можност за автоматско прилагодување на осветленоста во
зависност од времето и условите во околината, која директно влијае врз намалувањето на
потрошувачката на електрична енергија и обезбедува поефикасно осветлување. Со далечинско
управување и мониторинг, се подобрува одржувањето и се зголемува сигурноста. (Проектот е
целосно реализиран)